काठमाडौँ । नेपाल चार्टर्ड एकाउन्टेन्ट्स संघ (एक्यान)को आयोजनामा आर्थिक विधेयक २०८१ को प्रभावबारे विशेष बहस सम्पन्न भएको छ । जेठ २१ गते (सोमबार) ललितपुरको होटल हिमालयमा उक्त कार्यक्रम भव्य रुपमा सम्पन्न भएको हो ।
उक्त कार्यक्रम एक्यानको नवनिर्वाचित कार्यसमितिको पहिलो कार्यक्रम हो । नवनिर्वाचित कार्यसमितिको पहिलो कार्यक्रम भए पनि कार्यक्रम भव्य रुपमा सम्पन्न भएको छ ।
कार्यक्रममा सिए सुदर्शन राज पाण्डे, सिए प्रविण राज काफ्ले, सिए निकिता अग्रवाल, सिए शेषमणि दाहाल र अभिवक्ता महेश कुमार थापाबीचमा प्यानल डिस्कसन भएको थियो । डिस्कसनका क्रममा उनीहरुले आर्थिक विधेयक २०८१ र त्यसको प्रभावका बारेमा गहन छलफल तथा विमर्श गरेका थिए ।
त्यस्तै, कार्यक्रममा सहभागिहरुले पनि छलफलमा उत्साहजनक सहभागिता जनाएका थिए । उक्त कार्यक्रम सिए सरोकार, अर्थ सरोकार र संघको आधिकारिक फेसबुक पेजमार्फत लाइभ गरिएको थियो ।
