काठमाडौँ । चालु आर्थिक वर्षको पहिलो महिनामा मात्रै ६० हजार विदेशी कामको खोजीमा विभिन्न देश गएका छन् । वैदेशिक रोजगार विभागको तथ्यांकअनुसार साउनमा मात्रै नेपालबाट ५९ हजार ५ सय ५० जना नेपाली कामको खोजीमा विदेशिएका हुन् ।
विभागको तथ्यांकअनुसार चालु आर्थिक वर्षको पहिलो महिनामा विदेशिएका नेपालीको संख्या गत आर्थिक वर्षको साउनको तुलनामा ३ हजार ९ सय ७५ जना बढी हो ।
गत आर्थिक वर्षको साउनमा नेपालबाट ५५ हजार ५ सय ७५ जना नेपालीहरु कामको खोजीमा विभिन्न मुलुक गएका थिए । यसअवधिमा २५ हजार ५ सय जनाले संस्थागत र १० हजार ७ सय ५३ जनाले व्यक्तिगत श्रम स्वीकृति लिएर विदेश गएका छन् भने जिटूजीमार्फत ६ सय ६८ जना नेपाली विदेश गएका छन् ।
साउनमा विदेशिनेहरुमध्ये महिलाको संख्या ८ हजार १ सय १४ रहेको छ भने ५१ हजार ४ सय ३० जना पुरुष रहेको विभागको तथ्यांकमा उल्लेख गरिएको छ ।
प्रतिक्रिया दिनुहोस्