काठमाडौँ । समृद्धि फाइनान्स कम्पनी लिमिटेड इटहरी शाखा कार्यालयले दोश्रो वार्षिकोत्सव मनाएको छ । फाइनान्सले भदौ ९ गते आफ्नो वार्षिकोत्सव कार्यक्रम मनाएको हो ।
कार्यक्रममा शाखाका शाखा प्रबन्धक रमेश राईले उपस्थित महानुभावलाई समृद्धि फाइनान्समा गरेको विश्वास र साथको लागि धन्यवाद दिएका थिए । साथै आगामी दिनहरुमा पनि फाइनान्सले उच्च साथ र सहयोगको अपेक्षा राखेको बताए ।
नेपाल राष्ट्र बैंकबाट ‘ग’वर्गको इजाजतपत्र प्राप्त राष्ट्रिय स्तरको समृद्धि फाइनान्सले स्थानीय व्यापारीहरु, बचतकर्ताहरु,बुद्विजिवि आदिको उपस्थितिमा सम्पन्न गरेको उक्त कार्यक्रममा इटहरी उपमहानगरपालिका वडा नं. ६ का वडा अध्यक्ष दिवस पोखरेलले यस संस्था को उत्तर उत्तर प्रगतिको कामना गर्दै कार्यक्रममा आफ्नो विचार व्यक्त गर्दै फाइनान्सको प्रगतिको लागि शुभकामना व्यक्त गरेका थिए ।
समृद्धि फाइनान्सले हाल १३ वटा शाखाहरु मार्फत नगद कारोबार, आरटिजिएस, आइपीएस, कनेक्ट आइपीएस, रेमिटान्स, क्लियरिङ्ग लगायतका बैंकिङ सेवा प्रदान गर्दै आएको छ भने मोवाइल बैंकिङ, डेबीट कार्ड, क्यूआर कोड आदि डिजिटल सुविधाहरु नि:शुल्क प्रदान गरिरहेको छ ।
