काठमाडौं । साताको कारोबारको चौथो दिन बुधबार सेयर बजारमा हरियाली देखिएको छ । आज सेयर बजार मापक नेप्से परिसूचक ४९.१८ अंकले बढेर २५१९.५७ बिन्दुमा पुगेको हो ।
नेप्सेमा कुल ३ सय २७ कम्पनीको एक करोड २४ लाख ९८ हजार ९ सय ८९ कित्ता सेयर खरिद बिक्री हुँदा ४ अर्ब ८१ करोडमाथिको सेयर कारोबार भएको छ । आज सबैभन्दा धेरै कारोबार ङ्गादी ग्रुप पावरको भएको छ । यस कम्पनीको १५ करोड ६४ लाख १७ हजार ७ सय ८७ रुपैयाँ ७० पैसा बराबरको सेयर कारोबार भएको छ ।
त्यस्तै, बुधबारको बजारमा सबैभन्दा धेरै नाफा विन नेपाल लघुवित्तका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । आज विन नेपाल लघुवित्तसहित पाँच कम्पनीको सेयर मूल्यमा पोजेटिभ सर्किट लागेको छ ।
यता, हिमालयन हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ६ प्रतिशतभन्दा धेरैले घटेको हो ।
