काठमाडौँ । पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल (प्रचण्ड)ले यो सरकारको उद्देश्य भ्रष्टाचारी जोगाउने भएको आरोप लगाएका छन् । 

आफू नेतृत्वको सरकारले भ्रष्टाचारीलाई कारवाही गर्ने अभियान चलाएपछि भ्रष्टाचारी जोगाउन एमाले-काँग्रेस मिलेको र सरकार ढलाएको प्रचण्डले बताएका छन् । 

उनले एमाले-काँग्रेस गठबन्धनको उद्देश्य नै भ्रष्टाचारी जोगाउनु भएको दाबी गरेका छन् । त्यस्तै, उनले आफू नेतृत्वको सरकारले सुशासन र भ्रष्टाचार विरोधी अभियानलाई राष्ट्रव्यापी रुपमा जनताको बीचमा लैजान जागरण अभियान सुरु गरेको पनि बताएका छन् । 

हाल प्रचण्डसहित माओवादी केन्द्रका नेताहरु देशव्यापी दौडाहमा छन् ।