काठमाडौँ । पछिल्लो २२ दिनदेखि काठमाडौँमा आन्दोलनरत शिक्षकहरुले सवारी साधनका लागि आधा बाटो छोडिदिएका छन् । आन्दोलनकै कारण आवतजावतमा साह्रै सास्ती हुन थालेपछी शिक्षकहरले आन्दोलनको २२औँ दिनदेखि आधा बाटो सवारी साधनका लागि खाली गरिदिएका हुन् ।
यसअघिसम्म बानेश्वरदेखि बिजुली बजार क्षेत्रसम्मको तीनवटै लेन कब्जा गरेर आन्दोलन गरिरहेका शिक्षकहरुले आजदेखि एक लेन खाली गरिदिएका छन् ।
आन्दोलनका कारण बाटो पूर्ण रुपमा जाम हुँदा सवारी आवागमनमा साह्रै कठिनाइ भएको थियो । अफिस जानेहरु समयमा अफिस पुग्न सकिरहेका थिएनन् भने अस्तव्यस्त ट्राफिक व्यवस्थापनका कारण नागरिकको दैनिकी असहज बनेको थियो । तर, तीनमध्ये शिक्षकहरुले एक लेन सवारीसाधनका लागि छोडेपछि नागरिकहरुले राहत महसुस गरेका छन् ।
शिक्षा ऐन जारी गर्नुपर्ने लगायतका मागहरु राख्दै २२ दिनदेखि आन्दोलनरत शिक्षकहरु माग पूरा नहुन्जेल घर नफर्किने अडानमा छन् । बाँकी फोटो फिचरमा हेर्नुहोस्ः
