">
- अर्थ सरोकार सम्बाददाता
काठमाडौं । सरकारको नियम अटेरी गरेर तीजको भतेर खाने ५० बढी महिलाहरु भतेरको आयोजना गर्ने महिलालाई नै कोरोना संक्रमण पुष्टी भएपछी तनावमा परेका छन् । काठमाडौंको कागेश्वरी मनोहरा नगरपालिकाको वडा नम्बर ७ मा तीजको दर भोज आयोजना गरेकै घरको महिलामा कोरोना भाइरस संक्रमण पुष्टि भएपछी भोजमा सहभागी एक बैंकरसहित अन्य अहिले क्वारेन्टाइनमा छन् ।
नगरपालिकाको वडा नम्बर ७ स्थित सयपत्री टोलकी ३० वर्षीया महिलामा कोरोना संक्रमण पुष्टि भएको हो । ती महिलाले केहीदिन अघि पीसीआर गरेकी थिइन् । घरमा आयोजना भएको भतेरको कार्यक्रम सकिएको केहि घण्टामै उनलाई कोरोना संक्रमण देखिएको हो।
ती महिलालाई घरमा छुट्टै राखिएको छ । संक्रमितले आयोजना गरेको दरभोजमा छरछिमेका सबै सहभागी भएका कारण सयपत्री टोललाई सिल गर्ने तयारी भइररहेको छ । उक्त भोजमा सहभागी भएकी एक बैंकरले भने आफ्नो जागिर नै जाने खतरा भएकाले नाम उल्लेख नगर्न आग्रह गरेकी छिन्।
