काठमाडौँ । लुम्बिनी प्रदेशमा मन्त्रालयको संख्या घटाइने भएको छ । प्रदेश सरकारले प्रस्तुत गरेको आगामी आर्थिक वर्ष २०८३/८४ को नीति तथा कार्यक्रममा मन्त्रालयको संख्या घटाउने घोषणा गरिएको हो । 

प्रदेश प्रमुख कृष्णबहादुर घर्तीमगरले नीति तथा कार्यक्रम प्रस्तुत गर्दै मन्त्रालयको संख्या १२ बाट ८ मा झार्ने घोषणा गरेका छन् ।

प्रदेशको नीति तथा कार्यक्रम अनुसार सरकारको कामकारबाहीलाई चुस्त, मितव्ययी र प्रभावकारी बनाउन हाल कायम रहेका १२ वटा मन्त्रालयहरुको पुनर्संरचना गरी साउन १ गतेदेखि ८ वटा मन्त्रालय कायम गरिने नीति तथा कार्यक्रममा उल्लेख छ । 

प्रदेशको वार्षिक नीति तथा कार्यक्रममा कृषि, पर्यटन, पूर्वाधार विकास, रोजगार, शिक्षा, स्वास्थ्य तथा सुशासनलाई प्राथमिकतामा राखिएको छ ।