">
- अर्थ सरोकार सम्बाददाता
पोखरा । गण्डकीमा कोरोना संक्रमितको संख्या १३ सय नाघेको छ । आइतबार प्रदेशभरि २४ जनामा कोरोना संक्रमण पुष्टि भएसँगै संक्रमितको संख्या एक हजार ३१४ पुगेको हो ।
गण्डकी स्वास्थ्य निर्देशनालयले आइतबारमात्रै गण्डकीका ६ जिल्लामा कोरोना संक्रमित थपिएको जनाएको छ । पछिल्लो समय कोरोना संक्रमण पुष्टि हुने जिल्लामा लमजुङ र कास्कीका १२ जना छन् । जसमध्ये लमजुङका ६ र कास्कीका ६ जना रहेको छ ।
पोखरा स्वास्थ्य विज्ञान प्रतिष्ठानमा गरिएको परीक्षण अनुसार लमजुङका २९ देखि ५८ वर्ष उमेर समूहका छन् । त्यस्तै, लमजुङकै मध्यविन्दु नगरपालिकाका २ जनामा कोरोना संक्रमण पुष्टि भएको छ । उनीहरु १९ र ६५ वर्षीय पुरुष हुन् । कास्कीको पोखरा महानगरमा पनि ६ जनामा कोरोना संक्रमण पुष्टि भएको छ । उनीहरु २४ देखि ६७ वर्ष उमेर समूहका रहेको छ ।
आइतबार बिहानमात्रै गण्डकीका १२ जनामा कोरोना संक्रमण पुष्टि भएको थियो ।
