काठमाडौँ । प्रहरीको केन्द्रीय अनुसन्धान ब्यूरो (सीआईबी)ले अखिल नेपाल फुटबल संघ (एन्फा)मा आर्थिक अनियमितता भएको निष्कर्ष निकालेको छ । लामो समयको अनुसन्धानबाट सीआईबीले यस्तो निष्कर्ष निकालेको हो । 

सीआईबीले एन्फामा ६६ लाख ५३ हजार रुपैयाँ बराबरको अनियमितता भएको निष्कर्षसहितको प्रतिवेदन सरकारी वकिल कार्यालयमा बुझाएको छ । 

उक्त प्रतिवेदनमा सीआईबीले एन्फाका अध्यक्ष पंकजविक्रम नेम्वाङ, महासचिव किरण राई, कोषाध्यक्ष रवीन्द्र जोशी र लेखापाल सञ्जीव पाण्डेविरुद्ध मुद्दा चलाउन सिफारिस गरेको छ । 

अर्कोतर्फ सीआईबीले एन्फामा खेल मिलेमतो भएको समेत निष्कर्ष निकालेको छ । सो विषयमा समेत उल्लेख गरेर तयार गरेको प्रतिवेदनका आधारमा कानूनी प्रक्रिया अघि बढ्ने सीआईबीका एक अधिकारीले बताएका छन् ।