काठमाडौँ । साताको कारोबारको तेस्रो दिन मंगलबार सेयर बजार दोहोरो अंकले बढेको छ । सोमबारको तुलनामा बजार ३७.९३ अंकले बढेर १३३६. ६६ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ७८ कम्पनीको २८ लाख ८३ हजार ९४८ कित्ता सेयर खरिद बिक्री हुँदा १ अर्ब २१ करोड २४ लाख रुपैयाँमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल ९ करोड १२ लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र  हिमालयन डिस्टिलरी लिमिटेडको भएको छ ।

यता मंगलबार कारोबारमा रहेका सबै उपसुचकहरु बढेका छन् । सबैभन्दा धेरै प्रुडेन्सियल इन्स्योरेन्स, मन्जुश्री फाइनान्स, नेपाल पुनर्बिमा कम्पनी, नेपाल सेवा लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै खानीखोला हाइड्रोपावर, ग्लोबल आइएमई लघुवित्तलगायतका कम्पनीका लगानीकर्ताले गुमाएका छन् ।