">
- अर्थ सरोकार सम्बाददाता
काठमाडौँ । केपी शर्मा ओली प्रधानमन्त्री पदबाट स्वत: पदमुक्त भएका छन् । विश्वासको मत लिने प्रस्तावको पक्षमा ९३ मत परेपछि उनि स्वत: पदमुक्त भएका हुन् । प्रधानमन्त्री पदमा रहन ओलीले १३६ मत पाउनुपर्ने थियो । संसदको सबभन्दा ठूलो दल एमालेका १२१ सांसद छन् । तर एमालेको माधवकुमार नेपाल पक्षका सांसदहरु बैठकमा उपस्थित नै भएनन् ।
यता ओली पदमुक्त हुँदा अर्थमन्त्री विष्णु पौडेलको पनि पद गएको छ । बजेट सुनाउन नपाउँदै उनि पदमुक्त भएका हुन् । संविधानको धारा ७७ (१) (ख) अनुसार प्रधानमन्त्रीको पद रिक्त भएको हो भने धारा ७७(२) ग अनुसार मन्त्रीको पद पनि गएको हो । यद्यपी धारा ७७ (३) अनुसार अर्को मन्त्रिपरिषद् गठन नहुँदासम्म यसैले कार्यसञ्चालन गर्ने छ । तर पौडेलले बजेट ल्याउन भने पाउने छैनन् ।
