- अर्थ सरोकार सम्बाददाता
काठमाडौं – नेपाल राष्ट्र बैंकले ४० करोड रुपैयाँको वैदेशिक रोजगार बचतपत्र २०८२ निष्कासन गर्ने भएको छ । ५ वर्ष अवधिका लागि निष्काशन गर्न लागिएको उक्त बचतपत्रको वार्षिक ब्याज १० प्रतिशत हुनेछ । ६–६ महिनामा ब्याज भुक्तानी हुनेछ । केन्द्रीय बैंकले उक्त बचतपत्र २०७७ वैशाख १ गतेदेखि असार २१ गतेसम्म बिक्री खुला हुनेछ ।
बचतपत्रको साँवा भुक्तानी २०८२ सालको वैशाख २८, जेठ २८ र असार २८ गते हुनेछ । बचतपत्र खदिकर्ताले घटीमा १० हजार रुपैयाँ र बढीमा १० हजारले भाग गर्दा निःशेष भाग जाने गरी आह्वान गरिएको रकमसम्मका लागि आवेदन दिन सक्नेछन् ।
यस बचतपत्रलाई धितो राखेर बैंक तथा वित्तीय संस्थाबाट कर्जा लिन समेत सकिन्छ ।
