काठमाडौँ – नेपाल लाइफ इन्स्योरेन्स कम्पनीको बीमा शुल्क (प्रिमियम) अब कनेक्ट आईपीएस मार्फत अनलाइन भुक्तानी गर्न सकिने भएको छ । यस सुविधा अन्तर्गत बीमीतले कनेक्ट आइपिएसमा आवद्ध कुनै पनि बैंकको खाता मार्फत घरमै बसेर आफनो बीमा शुल्क भुक्तानी गर्न सक्ने भएको छ।
कम्पनीको शाखा/ उपशाखा कार्यालयमा गई आफनो प्रिमियम भुक्तानी गर्दै आइरहेको सेवाग्राहीहरुले अब सहज र सरल तरिकाबाट कनेक्ट आइपीएस मार्फत अनलाइन भुक्तानी गर्न सक्ने कम्पनीले जनाएको छ। साथै ,जुनसुकै समयमा जहाँसुकैबाट अनलाइन भुक्तानी गर्न सकिने यो सेवाले बीमितहरुको समयको बचत हुने जनाएको छ ।
नेपाल लाइफले आफना सेवाग्राहीहरुलाई समय सापेक्ष प्रविधिमैत्री सेवा प्रवाह गर्दै आइरहेको छ । यस अघि नै नेपाल लाइफको प्रिमियम डिजिटल वालेटहरु ई सेवा तथा प्रभु पे बाट अनलाइन भुक्तानी भइरहेको छ ।
त्यस्तै, फोन पे मार्फत आफनो बैंक खाता कनेक्ट गरी र नेपाल इन्भेष्टमेन्ट बैंकको इन्टरनेट बैंकिङ मार्फत अनलाइन भुक्तानी भइरहेको समेत कम्पनीले जनाएको छ । साथै नेपाल लाइफले अन्य डिजिटल पेमेन्ट सिस्टम बाट पनि बीमा शुल्क भुक्तानीको व्यवस्था गर्दै जाने कम्पनीले जनाएको छ।
