काठमाडौँ – साताको कारोबारको चौथौ दिन बुधबार बजार घटेको छ। मंगलबारको तुलनामा बजार ६८.४७ अंकले घटेर १४४१.२० बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ७४ कम्पनीको ६७ लाख ७१ हजार १ सय ४१ कित्ता सेयर खरिद बिक्री हुँदा २ अर्ब ९० करोडमाथिको कारोबार भएको छ । जसमा सबैभन्दा बढी कारोबार नेपाल लाइफ इन्स्योरेन्सको भएको छ । यस कम्पनीको कुल २६ करोड ६६ लाखमाथिको कारोबार भएको छ । त्यसपछि कारोबार क्रमश : एनएमबि बैंक र हिमालयन डिस्टिलरीको भएको छ ।

यता, बुधबार सबै उपसुचक घटेका छन् । त्यसैगरी सबैभन्दा धेरै सामुदायिक लघुवित्त वित्तीय संस्था र रिलायन्कास फाइनान्सका लगानीकर्ताले कमाएका छन् भने सबैभन्दा धेरै नेसनल माइक्रोफाइनान्स र नेपाल सेवा लघुवित्तका लगानीकर्ताले गुमाएका छन् ।