काठमाडौं – चालु आर्थिक वर्षको पहिलो त्रैमासमा गरिमा विकास बैंकले १८ करोड ८७ लाख ३५ हजार रुपैयाँ खुद नाफा कमाउन सफल भएको छ । बैंकको यो नाफा गत वर्षको भन्दा २१.३७% ले धेरै हो । गत वर्षको सोहि अवधिमा बैंकले १५ करोड ५४ लाख ९२ हजार रुपैयाँ खुद नाफा कमाएको थियो । 

यस्तै असोज मसान्तसम्ममा बैंकको वितरण योग्य नाफा ६ करोड ३ लाख ६२ हजार रुपैयाँ रहेको छ भने बैंककोखुद ब्याज आम्दानी र सञ्चालन नाफामा पनि सुधार आएको छ । बैंकका यी दुई सूचक क्रमशः १५.४२% र २१.३७% ले बढेको छ । 

यस अवधिमा बैंकको प्रतिसेयर आम्दानी ३ रुपैयाँ ०७ पैसाले बढेर २५ रुपैयाँ १२ पैसा कायम भएको छ भने प्रतिसेयर नेटवर्थ १४२ रुपैयाँ २२ पैसा रहेको छ ।