• अर्थ सरोकार सम्बाददाता 

काठमाडौँ- चन्द्र सिंह साउद नेप्सेबाट बर्खास्त भएपछी नेप्सेको कमान रमेश अर्यालले सम्हालेका छन् । यसैबीच उनले सोमबार पद तथा गोपनियताको शपथ ग्रहण गरेका छन् । उनलाई नेप्से सञ्चालक समितिका अध्यक्ष लक्ष्मण न्यौपानेले पद तथा गोपनियताको शपथ ग्रहण गराएका हुन् । अर्याल अर्थमन्त्रालयका उपसचिव हुन् । 

‘नेपाल सरकार, नेपाल धितोपत्र बोर्ड, लगानीकर्ता, सदस्य धितोपत्र दलाल लगायतका सरोकारवालासँग कार्यशील सम्बन्ध बनाई मुलुकको आवश्यकता अनुसार पूँजी बजारको विकासमा लाग्नेछु ।’ सपथ ग्रहणपछि अर्यालले भने, ‘ लगानीकर्ता , स्टक एक्सचेञ्ज तथा कर्मचारीको हित प्रवर्द्धनमा काम गर्नेछु।’

अर्को व्यवस्था नभएसम्मका लागि अर्यालले नेप्सेको प्रमुख कार्यकारी अधिकृतको जिम्मेवारी पाएका हुन् ।