">
- अर्थ सरोकार सम्बाददाता
काठमाडौं – प्रभु बैंकको साधारण सभा जेठ १० गते हुने भएको छ । प्रभुले अन्य बैंक तथा वित्तीय संस्था एक्विजिसन गर्नुपरेमा त्यसको जिम्मेवारी सञ्चालक समितिलाई दिने प्रस्ताव पनि लैजाने भएको छ । बैंक सञ्चालक समितिमा कम्तिमा १ जना महिला रहनेगरी नियमावली संशोधन गर्ने एजेन्डा पनि छ ।
साधारण सभा प्रभुको केन्द्रीय कार्यालय बबरमहल, काठमाडौंमा दिउसो १ बजे सुरु हुनेछ । आर्थिक वर्ष २०७३–७४ को सञ्चालक समितिको प्रतिवेदन, वासलात, नाफा नोक्सान लगायतमा छलफल गर्ने प्रस्ताव पनि छ । आर्थिक वर्ष २०७४–७५ को लागि लेखापरीक्षक नियुक्त गर्ने र पारिश्रमिक निर्धारण गर्ने अर्को एजेन्डा पनि रहेको छ ।
बैंकले वैशाख २८ गतेदेखि साधारण सभा हुने दिनसम्म बुक क्लोज गर्ने भएको छ । हाल यस बैंकको चुक्ता पुँजी ८ अर्ब १३ लाख ३४ हजार रुपैयाँ छ ।
