• अर्थ सरोकार सम्बाददाता 

काठमाडौँ । आजदेखि ज्योति लाइफ इन्स्योरेन्सको सेयर दोस्रो बजारमा कारोबारमा आएको छ । कम्पनीको पहिलो कारोबार ३६० रुपैयाँमा भएको छ । बुधबार नेप्सेको प्रि ओपन सेसनमा कम्पनीको सेयरको प्रतिकित्ता ३६० रुपैयाँबाट कारोबार खुलेको हो । कम्पनीको JLI सिम्बलबाट कारोबार सुरु भएको हो । प्रि ओपनमा कम्पनीको ९० कित्ता शेयर कारोबार भएको छ ।

नेप्सेले कम्पनीको पहिलो कारोबारको लागि १२०.२९ देखि ३६०.८७ रुपैयाँसम्मको रेन्ज तोकेको थियो । रेन्जको अधिकतम बिन्दु बाटनै कारोबार खुलेको हो । ज्योति लाइफले फागुन २१ देखि फागुन २६ गतेसम्म आईपिओ निष्काशन गरेको थियो । कम्पनीको सेयर मंगलबार सुचिकृत भएको हो ।