• अर्थ सरोकार सम्बाददाता

काठमाडौँ । साताको कारोबार पहिलो दिन आइतबार प्रि ओपनिङ सेसनमा नेप्से बढेको छ । प्रि ओपनिङ सेसनमा नेप्से परिसूचक २६.४१ अंकले बढेर २६५८.३१ बिन्दुमा पुगेको छ । जससंगै नेप्सेमा हरियाली छाएको छ ।

आइतबार कायम भएको यो बिन्दु हालसम्मकै उच्च बिन्दु हो । आज प्रि ओपनिङ सेसनमा ७३ कम्पनीको १२ हजार ४६९ कित्ता सेयर १ करोड १० लाख १४ हजार ६३१ रुपैयाँ बराबरको कारोबार भएको छ ।

कारोबारमा आएका ७३ कम्पनीमध्ये ५७ कम्पनीको सेयर मूल्य बढेको छ भने ४ कम्पनीको सेयर मूल्यमा गिरावट आएको छ । यस्तै १२ कम्पनीको सेयर मूल्य स्थिर छ ।