">
- अर्थ सरोकार सम्बाददाता
काठमाडौं । ग्लोबल आइएमई बैंकको ३० लाख कित्ता ऋणपत्रमा आवेदन दिने आज अन्तिम दिन रहेको छ । बैंकको सो ऋणपत्रमा कार्यालय समयसम्म मात्र आवेदन दिन पाइनेछ । चैत १ गतेदेखि बिक्रीमा ल्याएको ३० लाख कित्ता ऋणपत्रमध्ये १८ लाख इकाई ऋणपत्र बैंकले आफ्नै पहलमा अन्य संघसंस्थालाई बिक्री गर्नेछ । बाँकी १२ लाख इकाई सर्वसाधारणका लागि खुला भएको हो । यस्तै सामूहिक लगानी कोषलाई ५% अर्थात् ६० हजार इकाई छुट्याएको छ ।
सर्वसाधारणले बाँकी ११ लाख ४० हजार इकाईका लागि आवेदन दिन सक्नेछन् । यस ऋणपत्रमा वार्षिक ८.५०% ब्याजदर पाइनेछ । बैंकले प्रतिइकाई १ हजार रुपैयाँ दरमा ४ अर्ब रुपैयाँ बराबरको ऋणपत्र बिक्री गरेको हो । यसमा न्यूनतम २५ इकाईदेखि अधिकतम १० लाख इकाईसम्म आवेदन दिन सकिनेछ । बिक्री प्रबन्धकको काम सेञ्चुरी क्यापिटलले गरेको छ । यसमा सी–आस्वामा सहभागी बैंक तथा वित्तीय संस्था र तिनको शाखा कार्यालयबाट आवेदन दिन सकिनेछ ।
