• अर्थ सरोकार सम्बाददाता

काठमाडौँ । ज्योति लाइफ इन्स्योरेन्सको आईपीओ शुक्रबार बाँडफाँड हुने भएको छ । बिक्री प्रबन्धक एनएमबि क्यापिटलका अनुसार आईपीओ शुक्रबार बाँडफाँड गर्ने तयारी भएको छ । क्यापिटलका अनुसार कम्पनीको आईपीओको मंगलबार प्रि अलटमेन्ट गरी अन्तिम स्वीकृतिका लागि धितोपत्र बोर्डमा पठाइएको छ । कम्पनीको आईपीओमा आवेदन दिएका १८ लाख ४२ हजार ४९६ जनामध्ये १२ लाख ४८ हजार ४९६ जना आवेदकको हात खाली हुने भएको छ । आईपीओ ३ जनामध्ये गोलाप्रथाबाट एक जनाले मात्र पाउनेछन् ।

ज्योति लाइको ६६ करोड रूपैयाँ बराबरको १०० रुपैयाँ अंकित दरमा ६६ लाख कित्ता आईपीओ बिक्री खुला गरेको थियो । जसमा आवेदकको नयाँ रेकर्ड कायम भएको थियो । आईपीओमा माग गरिएको भन्दा ६.४१ गुणा बढी अर्थात तीन करोड ८० लाख कित्ताका लागि आवेदन परेको थियो । ज्योति लाइफको अधिकृत पूँजी तीन अर्ब, जारी पूँजी दुई अर्ब २० करोड र चुक्ता पूँजी एक अर्ब ५४ करोड छ ।