• अर्थ सरोकार सम्बाददाता 

काठमाडौँ – बिबिसी नेपाली सेवाको जागिर छोडेर राजनीतिमा प्रवेश गर्दै गर्दा रविन्द्र मिश्रसँग आश गर्नेहरु धेरै थिए । तर रविन्द्र मिश्रको साझा पार्टीपनि जनता झुक्याउने, झुट बोल्ने लगायतका काममा सक्रिय भएको खुलासा भएको छ । पार्टीले जनताको आँखामा यतिसम्म छारो हाल्न खोजेको छ कि उसले फेसबुक वा ट्वीटरमा कुनै भलाद्मीहरुको सामुहिक फोटो देख्नेबितिक्कै सम्बन्धित व्यक्तिलाई प्रलोभनमा पारेर आफ्नो इकाई गठन भएको भन्दै फोटो फेसबुकमा हाल्ने गरेको खुलासा भएको छ । 

अझ दुखको कुरा त के छ भने यसअघि लामो समय पत्रकारिता गरेर रविन्द्र मिश्रले सुचनाको हकमाथिनै धावा बोल्ने प्रयास गरेका छन् । पार्टीले गरेको यस्तो कर्तुतको बारे बुझ्न खोज्दा उनी सम्पर्कमा नै आउन चाहेका छैनन् ।