काठमाडौँ – केहि दिन यता लगानीकर्ताहरुलाई खुसी बनाइरहेको सेयर बजार अझै बढ्ने संकेत देखिएको छ । सरकारले आज सोमबार स्थानीय तहको चुनावको मिति घोषणा गर्ने भएको छ । वैशाख अन्त्यमा देशभर एकै चरणमा हुने बताइएको छ ।

आइतबार विहान बसेको सत्तारुढ कांग्रेस र माओवादीको बैठकमा भोलि सोमबार स्थानीय चुनावको मिति घोषणा गर्ने सहमति गरेको थियो । त्यस अनुसार आइतबारनै निर्वाचन आयोग र मधेसी मोर्चासँग छुट्टाछुट्टै छलफल भएको छ ।

अर्थ सरोकार डटकमलाई प्राप्त जानकारी अनुसार बैठकमा सत्तारुढ दलहरुले आगामी वैशाख अन्तिममा नै स्थानीय तहको चुनाव गर्ने प्रस्ताव राखेका छन् । साथै एकै चरणमा चुनाव गर्ने सत्तारुढ दलहरुको प्रस्ताव छ ।

निर्वाचन आयोगले जेठ १ र २१ गरी दुई चरणमा चुनाव गर्न सरकारलाई सुझाव दिएको थियो । तर, कांग्रेसले वैशाखभित्र चुनाव गर्नु पर्ने दबाव दिइको छ ।