अहिले शेयर बजार लगातार १२ दिनसम्म अत्यासलाग्दो गरी घटेर पुन: यो साताको अन्तिम २ दिन बढेर १३४३ अंकमा पुगेर बन्द भयो । यसले केही भएपनि लगानीकर्तामा खुशी छाएको छ । साथै निराश भएका लगानीकर्तालाई शेयर घटीमात्र रहदैन पछि बढ्छ भन्ने प्रमाणितपनि गरेको छ । जसरी बललाई हामी जुन प्रेसरमा जमिनमा फ्याक्छौँ, त्यो बल त्यही प्रेसरमा आकाशतिर जान्छ । त्यस्तै नियम सेयर बजारमा पनि लागु हुन्छ । शेयर बजार घट्ने र बढ्ने भइरहन्छ । यो घट्ने र बढ्ने क्रमनै शेयर बजारको सुन्दर पक्ष हो ।
विगत ४-५ महिनाबाट नेपालको शेयर बजारमा अनेकौ चुनौती थपीदै गए । एक पछी अर्को गर्दै आईपिओ र एफओको बाडीनै आयो । बैंकहरुमा तरलताको कमी सँगै लगानी योग्य रकमको अभाव, व्याजदरमा वृद्धि, राजनैतिक अन्यौल यी कारणहरुले लगानीकर्ताहरुको मनोबल घट्दै गयो । फलस्वरुप केही लगानीकर्ता शेयर बेचेर बाहीरिन थाले जसले गर्दा दिनानुदिन शेयर बजार घट्न थाल्यो ।
तर अब अनुमान लगाउन सक्छौ सरकारी खर्चमा वृद्धि हुनेछ । सरकारी खर्चको वृद्धिसँगै वैंकहरुको तरलतामा सुधार हुनेछ । तरलतामा सुधार भएसँगै व्याजदरमा पनि विस्तारै कमी आउनेछ । व्याजदरमा कमी भएमा शेयर बजार वृद्धिमा अवश्य सहयोग पुग्नेछ । किनकी व्याजदर र शेयर बजार जहील्यै पनि विपरित हुने गर्दछ । अब विस्तारै राजनीतिमा पनि सुधार गर्ने आशा गर्न सकिन्छ । किनकी निकट भविष्यमानै तिन वटा चुनाव हुनेवाला छन् । यदि यी चुनाव समयमानै सम्पन्न भएमा अवश्य पनि राजनीतिक स्थायित्व आउनेछ । जसको कारणले पनि शेयर बजार वृद्धिमा सहयोग पुग्नेछ । त्यस्तै अवको बढीमा १० महिना भित्रमा अन लाईन ट्रेडिङ पनि लागु हुनेवाला छ । यदि अन लाईन ट्रेडिङ लागु भएमा अहिले जस्तो ब्रोकर अफिसमा नगई घरमा नै बसेर शेयर खरीद विक्री सहजै गर्न सकिन्छ ।
त्यसैले हाल विद्यमान चुनौतीको चाङमा टेकेर हिम्मतका साथ महगाें मुल्यमा खरीद गरेको शेयर होल्ड गर्दै अहिले घटेको मूल्यमा शेयर खरीद गर्नेलाई यो समय राम्रो अवशर हुन सक्छ । तर शेयर खरिद गर्दा राम्रो वित्तिय विवरण प्रकाशित गरेका राम्रो व्यवस्थापन भएका र विगतका वर्षहरुमा राम्रो प्रतिफल दिएका कम्पनिहरु छनौट गर्नुपर्दछ । यदी शेयर घटेमा पनि आफुले खरिद गरेका कम्पनीले दिने प्रतिफलले घाटा पूर्ति गरोस् । अर्कोतिर शेयर बजार बढेमा नाफा त छदैछ ।
