">
- अर्थ सरोकार सम्बाददाता
काठमाडौं । युनियन लाइफ इन्योरेन्सको ६४ लाख ५० हजार कित्ता आइपीओमा आवेदन दिने भोलि सोमबार अन्तिम दिन रहेको छ । भोलि कार्यालय समयसम्म कम्पनीको उक्र सेयरमा आवेदन दिन पाइने भएको हो । कम्पनीले २४ गतेबाट प्रतिकित्ता १०० रुपैयाँको दरमा ६४ करोड ५० लाख रुपैयाँ बराबरको ६४ लाख ५० हजार कित्ता आइपीओ बिक्री खुला गरेको हो ।
जसमा ३ लाख २२ हजार ५ सय कित्ता कर्मचारी र ३ लाख २२ हजार ५ सय कित्तामा म्युचुअल फन्डले आवेदन दिन पाउनेछन् भने बाँकी ५८ लाख ५ हजार कित्ताको लागि सर्वसाधारणले आवेदन दिन सक्नेछन् । कम्पनीको यस आइपीओमा लगानीकर्ताले न्यूनतम १० कित्तादेखि अधिकतम ३२ हजार २५० कित्ता भर्न सक्नेछन् ।
सो समयमा बिक्री नभएमा साउन ७ गतेसम्म आवेदन दिन सकिनेछ । आईपीओमा सी–आस्वाको माध्यमबाट आवेदन दिन सकिनेछ । यो आइपीओमा प्रभु क्यापिटल बिक्री प्रबन्धक रहेको छ । यता आज आइतबार बेलुका ५ः२० बजेसम्ममा कम्पनीको आइपीओमा १८ लाख ३५ हजार ६ सय ५६ जना आवेदकबाट २ करोड ९४ लाख ६३ हजार ४९० कित्ताको लागि आवेदन परेको छ । जुन माग गरिएको भन्दा ५.०७ गुणा बढीको आवेदन परेको हो ।
