• अर्थ सरोकार सम्बाददाता

काठमाडौँ । धितोपत्र बोर्डले जोखिमयुक्त भन्दै निकालेको ५१ वटा कम्पनीको लिष्टमा बोर्डले विवरण नै फर्जी हालेको प्रमाणित भएको छ । धितोपत्र बोर्डले रेराङ हाइड्रोपावर डेभलपमेन्ट कम्पनीको नेटवर्थ नै गलत प्रकाशित गरेर विवरण फर्जी भएको प्रमाण पेश गरेको हो । बोर्डले उक्त कम्पनीको नेटवर्थ २०० भएको उल्लेख गरेको छ । जवकी यसअघि नै सो कम्पनीले आफ्नो विवरण गलत भएको भनी भुलसुधार गरसकेको थियो । यसो त बोर्डले सार्वजनिक गरेको उक्त कम्पनीको इपीएस पनि गलत छ । कम्पनीले आफ्नो इपीएस ९.१७ हुनुपर्नेमा १३ भएको भन्दै भुलसुधार गरेको थियो । तर धितोपत्र बोर्डले १३ नै अर्थात गलत इपीएसको विवरण राखेको छ । यसले विवरण तयार गर्नेले कुन हदसम्म लापरवाही गरेका छन् भन्ने प्रमाणित हुन्छ ।