कपिलवस्तु । सनराइज बैंक लिमिटेडले नयाँ एटिएम सेवा संचालनमा ल्याएको छ । बैंकले कपिलवस्तु जिल्लाको कपिलवस्तु नगरपालिकामा एटिएम सेवा संचालनमा ल्याएको हो । यस्तै बैंकले बारा जिल्लाको बारागढी गाउँपालिकामा शाखारहित बैंकिङ सेवाको विस्तार गरेको छ ।
बैंकले एटिएम सेवाको माध्यमबाट भुक्तानीका लागि शाखा कार्यालय नभएको ठाँउबाट समेत एटिएम सेवा अन्तर्गत एटिएम कार्ड र बिना एटिएम कार्डमार्फत कारोबार गर्न सकिने जनाएको छ । हालसम्म बैंकले १३९ वटा शाखा, ७९ वटा शाखारहित बैंकिङ सेवा, १२ वटा एक्सटेन्सन काउण्टर र १६१ वटा एटिएममार्फत आफ्ना ७ लाखभन्दा बढी ग्राहकहरुलाई सेवा प्रदान गर्दै आइरहेको छ ।
