काठमाडौं । साताको कारोबारको दोस्रो दिन सोमबार नेप्से ८.२४ अंकले घटेको छ । यस अवधिमा सबैभन्दा बढी कारोबार न्याग्दी ग्रुप पावर कम्पनीको भएको छ । यस कम्पनीको ३९ करोड ३० लाख ३७ हजार ८ सय ३२ बराबरको सेयर कारोबार भएको छ ।

यसपछि हिमालयन डिस्टिलरी, एनआइसी एशिया बैंक, एग्रीकल्चर डेभलपमेन्ट बैंक, नेपाल बैंक, अरुण भ्याली हाईड्रोपावर डेभलपमेन्ट कम्पनी, सिद्धार्थ बैंक, ग्लोबल आइएमई बैंक, नबिल बैंक र मञ्जुश्री फाइनान्सको सर्वाधिक सेयर कारोबार भएको छ ।

नेपाल स्टक एक्सचेन्जका अनुसार आज कुल २२३ कम्पनीको ३ करोड ७० लाख ६१ हजार ४४७ कित्ता सेयर खरिद बिक्री हुँदा १४ अर्ब १३ करोड ९७ लाख ८५ हजार ४ सय ३१ रुपैयाँ बराबरको सेयर कारोबार भएको छ ।