भक्तपुर – सिद्धपोखरी । मन बहलाउने एउटा उचित गन्तव्य । भक्तपुर वा काठमाडौँमा बस्नेहरुका लागि घुम्ने रमाइलो ठाउँ । तर त्यहि सिद्धपोखारीका माछाहरुलाई आहार बेचेर आफ्नो जिविका चलाउनेहरु पनि छन् सिद्धपोखरीमा । र तीमध्ये केहीलाई हामीले हाम्रो क्यामरामा कैद गरेका छौं ।     

पोखरी वरीपरी खेलौना, बेच्नेहरु पनि छन् । शनिबार र विदाका दिन राम्रै व्यापार हुने गरेको भएपनि अरु दिन खासै चहलपहल हुँदैन । बिदेशी पर्यटक यस्ता व्यापारीहरुको ग्राहक खासै बन्दैनन् ।   

पोखरी वरीपरी बदाम बेच्नेहरु भेटिन्छन् । तर पोखरीको सुन्दरतामै रमाउने ग्राहकहरु खासै बदामतिर ध्यान दिंदैनन् । कहिलेकाहीं राम्रै व्यापार हुन्छ । धेरै दिन त सुतेरै वित्छ । तर पनि विकल्प छैन ।    

पोखरीमा माछाहरु पालिएका छन् । तिनलाई आहारा खुवाएर रमाइलो गर्नेहरुलाइ आहार बेच्नेहरुको कथा बेग्लै छ । उनीहरुका राम्रै ग्राहक हुन्छन् । तर बिदाको दिन बाहेक खासै व्यापार हुँदैन । कहिलेकाहीं सुतेरै दिन बित्छ।