×

Live on

रेडियो अर्थ सरोकार

Listen to live radio.

१४ बाट १८ मा सारियो स्ववियु चुनाव, विप्लवनिकट क्रान्तिकारी पनि सहभागी हुने

GLOBAL IME BANK

१४ बाट १८ मा सारियो स्ववियु चुनाव, विप्लवनिकट क्रान्तिकारी पनि सहभागी हुने

६ फाल्गुन २०७३, शुक्रबार

पढ्न लाग्ने समय: १ मिनेटभन्दा कम

काठमाडौं –  त्रिभुवन विश्वविद्यालयले १४ फागुनमा गर्ने भनेको स्ववियु चुनाव चार दिन सरेको छ । त्रिवि पदाधिकारी र विद्यार्थी संगठनबीचको छलफलपछि चुनाव १८ फागुनका लागि सारिएको खबर आजको नयाँ पत्रिकामा छ ।
मिति सरेपछि विप्लव माओवादीनिकट अखिल क्रान्तिकारी पनि चुनावमा सहभागी हुने भएको छ । त्रिविका विद्यार्थी कल्याण निर्देशनालयका कार्यकारी निर्देशक गंगाबहादुर थापाले शुक्रबार बस्ने कार्यकारी परिषद्को बैठकले १८ गते चुनाव गर्ने निर्णय गर्ने बताए ।
विप्लव माओवादीनिकट अखिल क्रान्तिकारीले देशैभरका क्याम्पसमा ताला लगाएको थियो । उता नेविसंघका असन्तुष्टले २८ वर्षे उमेर हदबन्दीको विरोधमा उपत्यकाका १० क्याम्पसमा ताला लगाएका थिए । तालाबन्दी र चुनाव बिथोल्ने धम्कीका कारण १ फागुनदेखि सुरु चुनावी प्रक्रिया प्रभावित भएको थियो ।
छलफलमा नेविसंघका अध्यक्ष नैनसिंह महरले असन्तुष्टले लगाएको ताला शुक्रबारदेखि खुल्ने दाबी गरे । उनले ताला नखोले कारबाही गर्नेसमेत बताए । केही विद्यार्थी संगठनले स्ववियु चुनाव पूर्ण समानुपातिक प्रणालीमा हुनुपर्नेसमेत माग राखेका थिए । सो मागलाई कार्यदल बनाएर यसपछिका स्ववियु चुनावमा सम्बोधनका लागि छलफल गर्ने पदाधिकारीले बताएका थिए ।
यो पनि पढ्नुहोस् 
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: