काठमाडौँ – मर्जर भएका बैंकको खराब कर्जाले तहसनहस हुन लागेको बैंक एनसीसीमा अनेकौं लफडाहरु परिरहेका छन् । मर्जरबाट संचालक समितिमा आएका सञ्चालकको मनपरी त छँदैछ, ‘अयोग्य’ ठहरिएका बैंकका सञ्चालकले सञ्चालक समिति छोड्न नमानी दादागिरी देखाउन थालेपछि बैंक झन् समस्यामा पर्दै गएको छ । यहि कारण सञ्चालक समितिकै केहि सदस्य अन्य सदस्यको विरुद्धमा मिडिया हाउस धाउन थालेका छन् भने, केहि सदस्यले आफ्नै सदस्यविरुद्ध गोप्य रुपमा विभिन्न निकायमा उजुरी दिन थालेका छन्।

राष्ट्र बैंकले २ वर्षदेखि व्यवस्थापन सम्हालेको एनसीसी बैंकमा ऐन विपरीत सांसद मोहन बहादुर बस्नेतलाई सञ्चालक बनाएको छ। सिन्धुपाल्चोक क्षेत्र नं. ३ बाट चुनाव जितेर सांसद भएका उनी एनसीसी बैंकको संस्थापक समूह एनबी ग्रुपको प्रतिनिधित्व गर्दै सञ्चालक भएका हुन् । राष्ट्रपति विद्यादेवी भण्डारीले लालमोहर लगाईसकेको बैंक तथा वित्तीय संस्था विधेयकमा (बाफियामा) संवैधानिक तथा सरकारी पदमा रहेको कुनैपनि व्यक्ति बैंक तथा वित्तीय संस्थाको सञ्चालक हुन नपाउने व्यवस्था गरेको छ । तर बैंकीङ कसुर र ठगीको मुद्दा खेपिरहेका व्यापारीहरु जितबहादुर श्रेष्ठ र लक्ष्मीबहादुर श्रेष्ठको प्रतिनिधित्व गर्दै उक्त बैंकमा छिरेका उनले अहिलेपनि बैंकबाट निस्किन नमानेपछि बैंकभित्रै हङ्गामा भएको हो । 

• एनसीसीमा लफडा ३ : आफुहरु ठगीएको भन्दै लिखित उजुरी परेपछि यस्तो ‘बबाल’ ! 
• एनसीसीमा लफडा नम्बर २ : खोला र बगर धितो राखी नक्कली ऋणीमार्फत एक अर्ब ७० करोड कर्जा !
• एनसीसी बैंकमा विशेष साधारणसभालाई लिएर ‘लफडा’, सभा रोक्न कम्पनी रजिष्ट्रार कार्यालयको निर्देशन !