">
- अर्थ सरोकार सम्बाददाता
काठमाडौं – नेपाल लाइफ इन्सुरेन्सको ४२% बोनस सेयरमा मूल्य समायोजन भएको छ । बोनस समायोजनपछि इन्सुरेन्सले सेयर भाउ प्रतिकित्ता ११ सय १६ रुपैयाँ कायम भएको छ । आज इन्सुरेन्सको सेयर कारोबार यहि मूल्यलाई आधार मानेर खुलेको छ । यसको औसत अधार मूल्य भने १६ सय ९९.१० रुपैयाँ छ ।
कम्पनीले चैत २८ गते हुने वार्षिक साधारण सभामा ४२% बोनस र २८.५३% नगद लाभांश वितरण गर्ने प्रस्ताव पेश गर्दैछ । यसका लागि कम्पनीले बुधबारदेखि बुक क्लोज गरेको हो । सभामा अधिकृत पुँजी ८ अर्ब रुपैयाँ पुर्याउने प्रस्ताव पनि पेश हुँदैछ ।
हाल नेपाल लाइफको चुक्ता पुँजी ३ अर्ब ९ करोड ६४ लाख २८ हजार ६२५ रुपैयाँ छ । बोनसपछि चुक्ता पुँजी ४ अर्ब ३९ करोड ६९ लाख २८ हजार ६ सय २५ रुपैयाँ पुग्नेछ ।
