काठमाडौं – भारतीय राजदूत मनजीवसिंह पुरीले कुटनीतिक मर्यादालाई उलंघन गर्दै सोमबार नेपाल सरकारका चार मन्त्रीसँग भेटवार्ता गरेका छन् । नवनियुक्त मन्त्रीहरुलाई बधार्इृ दिने निहुँमा राजदूत पुरीले कूटनीतिक आचारसंहिता उलंघन गरेका छन् । सोमवार भारतीय राजदूतले गृहमन्त्रीसहित चार मन्त्रीलाई उनीहरूको कार्यकक्षमा पुगेर भेटका थिए । भारतीय राजदूत पुरी कार्यकक्षमै भेट्न मन्त्री भेट्न आउने कुरा न परराष्टमन्त्रालयलाई जानकारी थियो नत मन्त्रीहरुलाई नै थियो ।

कूटनीतिक आचार संहिता २०६८ मा, मन्त्रीसहितका उच्चसरकारी अधिकारीले कुनै पनि विदेशी सरकारका प्रतिनिधिहरूसँग भेट गर्नु पूर्व परराष्ट्र मन्त्रालय र विषयसँग सम्बन्धित मन्त्रालयका अधिकारीलाई आमन्त्रण गर्नुपर्ने व्यवस्था छ।

यसलाई कुटनीतिक लापरवाहीका रुपमा नेपाली कुटनीतिज्ञहरुले बताएका छन् । मर्यादा पालना गर्नुपर्ने काम नेपाली पक्षले नै हो। यसमा हाम्रो राजनीतिक नेतृत्व वर्ग कूटनीतिक संवेदनशिलताबारे अनभिज्ञ रहे जस्तो अथवा लापरवाही गरिरहेको जस्तो देखिन्छ, पूर्व राजदूत जयराज आचार्य भने ।

सोमवार भारतीय राजदूत सिंहले सिंहदरवारमा गृहमन्त्री रामबहादुर थापा, परराष्ट्रमन्त्री प्रदिप ज्ञवाली, संस्कृती पर्यटन तथा नागरिक उड्डयनमन्त्री रवीन्द्र अधिकारी र भौतिक पूर्वाधार तथा यातायातमन्त्री रघुवीर महासेठसँग छुट्टाछुट्टै भेट गरेका थिए।