काठमाडौं – सहारा विकास बैंकको २५०% हकप्रद सेयर आइतबारदेखि बिक्री खुला भएको छ । बैंकले १ः२.५ अनुपातमा १०० रुपैयाँ अंकित मूल्यमा १८ लाख २४ हजार ८७० कित्ता सेयर बिक्री खुला गरेको हो । यो हकप्रद वैशाख ९ गतेसम्म कायम रहेका सेयरधनीले असार ९ गतेसम्म आवेदन दिन सकिनेछ ।

लगानीकर्ताले बिक्री प्रबन्धक एनआइबीएल एस क्यापिटल लाजिम्पाट र यसका शाखा कार्यालय लालदरबार काठमाडौं, लगनखेल ललितपुर, चिप्लेढुंगा पोखरा, ट्राफिकचोक बुटवल, आदर्शनगर वीरगञ्ज र गोल्छाचोक विराटनगरबाट आवेदन दिन सक्नेछन् । यसैगरी, सहारा विकास बैंकको मलंगवा नगरपालिका, ९ सर्लाही तथा सिराहा, बरहथवा, इश्वरपुर र लालबन्दी शाखा कार्यालयबाट पनि आवेदन दिन सकिनेछ । र साथै आस्वा सेवामा सहभागी बैंक तथा वित्तीय संस्थाबाट पनि आवेदन दिन पाइनेछ ।

हाल सहाराको चुक्ता पुँजी ७ करोड २९ लाख ९४ हजार रुपैयाँ छ । हकप्रदपछि चुक्ता पुँजी २५ करोड ५४ लाख ८१ हजार रुपैयाँ पुग्नेछ ।