• अर्थ  सरोकार सम्बाददाता 

काठमाडौँ- राष्ट्रिय सहकारी बैंक लिमिटेडको नायव महाप्रबन्धक पदमा चार्टड एकाउन्टेन्ट बद्री गुरागाईं नियुक्त 

भएका छन् । यसअघि पनि सो संस्थामा कार्यानुभव भएका उनले भारतीय बोर्डबाट सिए उतिर्ण गरेका थिए । हाल उनी नेपाल चार्टड एकाउन्टेन्ट्स संस्थाका समेत सदस्य छन् ।

केहि समय अघि परिवार नियोजन संघमा संचालक समितिको सदस्य भएर काम गरेका उनी त्यसपछि राष्ट्रिय सहकारी बैंक लिमिटेडमा जागिरे भए । उक्त बैंकबाट राजीनामा दिएर एक आइएनजीओमा काम गरेका उनी पुन: उक्त बैंकमा जागिरे हुन लागेका हुन् । 

बिगत लामो समयदेखि जागिरको अनुभव भएका उनी केहि समय अगाडी भएको नेपाल चार्टड एकाउन्टेन्टस् संघका अध्यक्षका प्रत्यासीसमेत थिए ।