कर्मचारी सञ्चय कोषको सञ्चयकर्ता सामाजिक सुरक्षा कार्यक्रम अन्तर्गत कोषले नै बीमा प्रिमियम तिर्ने गरी कोषमा आवद्ध रहेका सञ्चयकर्ताहरुका लागि औषधोपचार तथा घातक रोग बीमा योजना मिति २०७५ मंसिर १ गतेदेखि लागू गरेको ब्यहोरा सम्पूर्ण सञ्चयकर्ताहरुलाई सहर्ष जानकारी गराईन्छ । कोषले राष्ट्रिय बीमा कम्पनी लि. मार्फत गरेको यस बीमा योजनाको बीमाङ्क रकम साधारण औषधोपचारको हकमा रु. १ लाखसम्म र घातक रोगको हकमा रु. १० लाखसम्म रहेको छ । 

बीमा योजनामा (दुर्घटना परी उपचार गराएको खर्च बाहेक)सामान्य औषधोपचार तर्फ १ महिना र घातक रोग तर्फ ३ महिना प्रतिक्षा अवधि (Waiting period) रहेको छ । यस अवधि पश्चात् भएको उपचार खर्चको मात्र बीमा दाबी भुक्तानी हुने भएकोले सो अवधि भित्र भएको उपचार खर्चको सोधभर्ना कोषमा साविकमा कायम रहेको औषधोपचार सहयोग योजना अन्तर्गतदाबी गर्न सकिनेछ । यस सम्बन्धी विस्तृत विवरणकोष र राष्ट्रिय बीमा कम्पनी लि.का कार्यालयहरु एवं कोषको website:www.epfnepal.com.np बाट समेत प्राप्त गर्न सकिनेछ।

कर्मचारी सञ्चय कोष

पुल्चोक, ललितपुर

फोन नं.:०१–५०१०१६५, ०१–५०१०१६६