काठमाडौँ । सनराइज बैकले नेपाली सेनाको सैनीक अस्पतालका लागि व्यक्तिगत सुरक्षा सामाग्री पिपिइ हस्तान्तरण गरेको छ । बैकका प्रमुख कार्यकारी अधिकृत जनक शर्मा पौडेलले मंगलबार भद्रकालिस्थित नेपाली सेनाको कार्यालयमा सैनिक कल्याणकारी कोषका प्रमुख सागर बहादुर केसी र सैनिक अस्पतालका डाक्टर नरेन्द्र बहादुर केसीलाई हस्तान्तरण गरेका हुन् । त्यसैगरी, पञ्जा, मास्क लगायतका सामाग्री पनि बैकले उपलब्ध गराएको छ । सैनिक अस्पतालका डाक्टर नरेन्द्र बहादुर केसीले बैकले उपलब्ध गराएको व्यक्तिगत सुरक्षा सामाग्री पिपिई लगायतले विरामीको स्वास्थ्य उपचारमा ठूलो मद्द्त पुग्ने बताएका छन् ।

यो त सोमबारको कुरा हो । यसअघि पनि बैंकले थुप्रै स्थानहरुमा यसैखालका सहयोग गरिरहको छ । तर आजको विषय अलि फरक छ, त्यो हो, ड्रेस कोड । बैंकको प्रतिनिधित्व गरेर विभिन्न स्थानमा जाने बैंकका प्रमुख कार्यकारी अधिकृतले गलामा कार्ड भिरेका छन् । फर्मल लुगा लगाएका छन् । तर सँगै हिंडेका कर्मचारीहरु भने कोहि जिन्समा ठाटिएका छन्, कोहि सेमि-फर्मलमा छन् । सिइओ र फोटो खिच्ने क्यामरापर्सनबाहेक अन्य कर्मचारीले कार्ड भिरेका छैनन् । झट्ट सुन्दा यो सामान्य विषय जस्तो देखिएपनि अनुशासन के हो ? ड्रेस कोड के हो भन्ने विषयमा संवेदनशील हुनुपर्छ भन्ने बहस भने सुरु भएको छ । 

‘कोट लगाएका छौँ त्यो फर्मल नै हो, टि-शर्ट लगाउनु त झन् राम्रो नि ‘ : बैंकका प्रतिनिधि 

यस विषयमा हामीले सेमि फर्मलमा देखिएका बैंकको सीएस आर हेर्ने रबिन्द्र ढकाललाई सोधेका थियौं । उनले आफुले कोट लगाएका कारण त्यो फर्मल ड्रेस नै भएको बताए । ‘म भर्खर सनराइज गएको हुँ । कार्ड त बनेकै छैन ।’ उनले भने । यता सुमन थापाले बैंककै टिशर्ट लगाउनु पनि फर्मल नै हुनु हो भन्ने उनको तर्क छ ।

जानकारको तर्क, ‘फर्मल भएरै जाँदा राम्रो’

यस विषयमा हामीले बैंकिङ क्षेत्र का एक जानकारलाई सोधेका थियौं । हाम्रो प्रश्नपछी केहिबेर हाँस्दै उनले भने, ‘प्रश्न रमाइलो लाग्यो । तर विषय ठिक हो । फर्मल भएर जाँदा राम्रो । अझ ठुला ठुला ठाउँमा जाँदा त झन् फर्मल हुनु नै राम्रो हो । अब सीइओ साप फर्मल भएर जाँदा अरुले सिक्नुपर्ने हो ।’