• अर्थ सरोकार सम्बाददाता 

काठमाडौं । आशा लघुवित्त वित्तीय संस्थाले आर्थिक वर्ष २०७६ /७७ को चौथो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ३ करोड ८१ लाख २ हजार रुपैयाँ खुद नाफा आर्जन गरेको छ।  यो नाफा अघिल्लो वर्षको सोहि अवधिको तुलनामा ३.७५ प्रतिशतले  कम हो ।  अघिल्लो आर्थिक वर्षको सोही अवधिमा कम्पनीले ३ करोड ९५ लाख ८५ हजार रुपैयाँ खुद नाफा कमाएको थियो।

यता, संस्थाको प्रतिशेयर आम्दानी केहि घटेको छ । संस्थाको  प्रतिशेयर आम्दानी ०.६४ रुपैयाँले घटेर १६ रुपैयाँ ४० पैसा पुगेको  छ। संस्थाको प्रतिशेयर नेटवर्थ १३२ रुपैयाँ ०९ पैसा र मूल्य आम्दानी अनुपात ४७ रुपैयाँ ५५ पैसा रहेको विवरणमा उल्लेख  छ।