- अर्थ सरोकार सम्बाददाता
काठमाडौँ । एशियन लाइफ इन्स्योरेन्सले आर्थिक वर्ष २०७६/७७ को चौथौ त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार कम्पनीले १८ करोड १८ लाख रुपैयाँ खुद नाफा कमाएको छ । यो नाफा अघिल्लो वर्षको तुलनामा ७८.४२ प्रतिशतले बढी हो । अघिल्लो वर्षको यहि अवधिमा कम्पनीले १० करोड १९ लाख रुपैयाँ मात्र खुद नाफा कमाएको थियो ।
समीक्षा अवधिमा कम्पनीको खुद बीमा शुल्क ३२ करोड ४४ लाख रुपैयाँ बढेर ४ अर्ब ५४ करोड ८ लाख पुगेको छ। अघिल्लो वर्ष यसले ४ अर्ब २१ करोड रुपैयाँ खुद बिमा शुल्क आर्जन गरेको थियो । असार मसान्तसम्ममा बीमालेख धितोमा २ अर्ब ४५ करोड ४४ लाख रुपैयाँ कर्जा प्रवाह गरेको यस इन्स्योरेन्सले सो बापत ११ करोड ४० लाख रुपैयाँ आम्दानी गरेको छ। त्यसैगरी, इन्स्योरेन्सले सो अवधिसम्ममा लगानी, कर्जा तथा अन्यबाट १ अर्ब ५६ करोड ४२ लाख रुपैयाँ आम्दानी गरेको छ।
यो चौथौ त्रैमाससम्ममा बैंकले २७ अर्ब ९० लाख रुपैयाँ कुल बीमाशुल्क आर्जन गरेको छ । कम्पनीले सो अवधिसम्ममा ७ हजार १५७ कुल दाबी बापत १ अर्ब ४७ करोड ६८ लाख रुपैयाँ भुक्तानी गरिसकेको छ भने ८६ दाबी बापतको २ करोड १७ लाख रुपैयाँ भुक्तानी हुन बाँकी छ ।
जीवन बीमा कोषमा २१ अर्ब ६१ करोड २ हजार रुपैयाँ र महाविपत्ती जगेडा कोषमा ६ करोड १२ लाख रुपैयाँ सञ्चित छ। २ अर्ब १ करोड ७ लाख रुपैयाँ चुक्ता पूँजी रहेको यस इन्स्योरेन्सको जगेडा कोषमा ५४ करोड ७० लाख रुपैयाँ रहेको विवरणमा उल्लेख छ। यता, कम्पनीको प्रतिशेयर आम्दानी ९ रुपैयाँ ४ पैसा रहेको छ भने प्रतिशेयर नेटवर्थ १३० रुपैयाँ २५ पैसा र मूल्य आम्दानी अनुपात ६७.११ गुणा कायम भएको छ।
