- अर्थ सरोकार सम्बाददाता
विराटनगर । विराटनगर महानगरपालिकामा संक्रमितको संख्या एक हजार नाघेको छ । विराटनगरमा ४२ जना नयाँ बिरामी थपिएसँगै सोमबार बिहानसम्ममा संक्रमित संख्या एक हजार १६ पुगेको छ । संक्रमितमध्ये तीन सय ८९ जना कोरोना जितेर घर फर्किसकेका छन् । संक्रमणका कारण हालसम्म विराटनगरमा ११ जनाले ज्यान गुमाइसकेका छन् ।
विराटनगर महानगरपालिका वडा नम्बर ८, ९ र १५ मा दुईरदुईजना संक्रमितको मृत्यु भएको छ । विराटनगर २, ३, ५ ,६ र १० मा एकरएक जना संक्रमितको मृत्यु भइसकेको छ । मृत्यु भएका ११ मध्ये अधिकांशमा दीर्घरोग देखिएको उपचारमा संलग्न चिकित्सकले बताएका छन् । यसैबीच विराटनगरमा कोरोना संक्रमितमध्ये अधिकांश होम आइसोलेसनमा छन् । कोभिड अस्पतालमा बेड खाली नभएपछि संक्रमितहरु होम आइसोलेसनमा बस्न बाध्य भएको महानगरले जनाएको छ ।
