• अर्थ सरोकार सम्बाददाता 

काठमाडौं । मंगलबार सुनको मूल्य बढेको छ । सोमबार प्रतितोला ९९ हजार ६ सय रुपैयाँमा कारोबार भइरहेको छापावाला सुन आज २ सय रुपैयाँले बढेर ९९ हजार ८ सय रुपैयाँमा कारोबार भइरहेको छ । केहिदिन यता लगातार बढिरहेको सुनको मूल्य सोमबार भने स्थिर रहेको थियो । यद्यपि आज भने बढेको छ । सुनको मूल्य अझै बढ्नसक्ने जानकारहरुको भनाई छ ।

यता, चाँदीको मूल्य भने स्थिर रहेर प्रतितोला १ हजार २ सय ३० रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज (मंगलबार) १० ग्राम सुनको मूल्य ८५ हजार ५ सय ६५ रुपैयाँ तोकेको छ भने प्रति १० ग्राम चाँदीको मूल्य १ हजार ५४ रुपैयाँ ५० पैसा कायम गरेको छ ।