• सुदर्शन श्रेष्ठ/अर्थ सरोकार सुदूरपश्चिम ब्युरो 

धनगढी । कोरोना कहरकाबीच यतिबेला धनगढीका हाटबजार सुनसान बन्दै गएका छन् । मुलुकमा कोरोनाको महामारी शूरु भएसँगै संक्रमणको जोखिमलाई मध्यनजर गर्दै हाटबजार बन्द गरिएपछि सुनसान बन्न थालेका हुन् ।

हाटबजार बन्द भएपछि आफ्नो दैनिक गुजारा नै चलाउन मुस्किल परेको तरकारी व्यवसाय गर्दै आएकी रेवती रानाले बताईन । उनले भनिन्, परिवार चलाउने एउटै आशा यहि तरकारी व्यवसाय थियो तर कोरोनाले गर्दा यो आश पनि मारिदियो । त्यस्तै धनगढीको त्रिनगर कृषि उपज हाटबजारमा व्यवसाय गर्दै आएका रासिब कारोजाले तरकारीको व्यापार नै धरापमा परेको बताए । लामो समयको बन्दाबन्दीका कारण हाटबजार सञ्चालन गर्न नपाउँदा स्टकमा रहेको तरकारी पनि कुहिएरै सकिन लागेको छ । उनले भने, हामी घाटामा त थियौँ थियौँ अब त झनै सकस हुन थालेको छ । 

यतिबेला कोरोना कहरकाबीच विभिन्न व्यापार व्यवसाय चौपट भएका बेला तरकारी व्यवसायी पनि निकै समस्यामा परेका छन् । हाटबजारमा अत्याधिक चहलपहल र भिडभाड हुने भएकोले हाटबजार सञ्चालनमा रोक लगाएपछि यतिबेला धनगढीका हाटबजारहरु सुनसान बनेका छन् । बाँकी फोटो फिचरमा हेर्नुहोस् …