">
- अर्थ सरोकार सम्बाददाता
काठमाडौं । घरेलु लघुवित्त वित्तीय संस्थाको वार्षिक साधारणसभा पुस १४ गते हुने भएको छ । सभा पञ्चकन्या ब्यांकेट बनेपा काभ्रेपलाञ्चोकमा बिहान ११ बजे हुने भएको हो ।
संस्थाले सभामा समता लघुवित्तसँग गाभिनको लागि अन्तिम सम्झौता गर्ने र सोको सम्पूर्ण अख्तियारी सञ्चालक समितिलाई दिने प्रस्ताव पेश गर्ने भएको छ । यस्तै दुवै कम्पनी एक भएपछि संस्थाको नाम ठेगना, अधिकृत पुँजी, जारी पुँजी, चुक्ता पुँजी बृद्धि हुने भएकोले सोही बमोजिम कम्पनीको नियमावली संसोधन गर्ने एजेन्डा पनि रहेको छ ।
समता र घरेलु लघुवित्तबीच गत असार १ गते एक आपसमा गाभ्ने–गाभिने विषयमा सैद्धान्तिक सहमति पत्रमा हस्ताक्षर भइसकेको छ । समता र घरेलु लघुवित्त क्रमशः १००ः८० सेयर स्वाप अनुपातमा गाभिने प्रारम्भिक सम्झौता भएको हो । यता घरेलु लभुत्तिसँग मर्ज हुने भएपछि समताको सेयर कारोबार रोक्का भएको छ ।
