• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ८.२७ अंकले बढेर १९६४.०२ बिन्दुमा कायम भएको छ । नेपाल स्टक एक्सचेन्ज (नेप्से) का अनुसार यस अवधिमा २०४ कम्पनीको ९८ लाख ८३ हजार १९७ कित्ता सेयर खरिद बिक्री हुँदा ४ अर्ब १४ करोड ६३ लाखमाथिको कारोबार भएको छ । 

आज सबैभन्दा बढी कारोबार नेपाल लाइफ इन्स्योरेन्सको भएको छ । यस कम्पनीको ३७ करोड ३२ लाखमाथिको कारोबार भएको छ । त्यसपछि कारोबार क्रमश : नेपाल पुनर्बीमा कम्पनी र ग्लोबल आइएमई बैंकको प्रमोटर सेयरको भएको छ । आज २ समूहबाहेकका अन्य सबै समूह बढेका छन् । यस्तै आज सबैभन्दा धेरै लिबर्टी हाइड्रोपावर र प्रभु बैंकको प्रमोटर सेयरका लगानीकर्ताहरुले कमाएका छन् भने अपर तामाकोशीका लगानीकर्ताले सबैभन्दा धेरै गुमाएका छन् ।