- अर्थ सरोकार सम्बाददाता
रौतहट । जुवातास खेलिरहेको अवस्थामा १८ जना पक्राउ परेका छन् । रौतहटमा दुर्गाभगवती गाउँपालिका-३ बाग्मती खोलास्थित काँसघारीभित्र कौडा खेलिरहेको अवस्थामा १४ जना र नवलपरासी पूर्वको देवचुली नगरपालिका-१६ बस्ने ४० वर्षीय कमल प्रसाद अधिकारीको घरमा तास खेलिरहेको अवस्थामा अधिकारीसमेत ४ जनालाई मंगलबार दिउँसो प्रहरीले पक्राउ गरेको हो ।
जिल्ला प्रहरी कार्यालय रौतहट र ईलाका प्रहरी कार्यालय गंगापिपराबाट खटिएको प्रहरीले १४ जनालाई नगद ५ लाख १६ हजार रुपैयाँसहित पक्राउ गरेको हो भने जिल्ला प्रहरी कार्यालयबाट खटिएको प्रहरीले ४ जनालाई २३ हजार २ सय ५० रुपैयाँ र ३ बुक ताससहित पक्राउ गरेको हो ।
