">
- अर्थ सरोकार सम्बाददाता
काठमाडौँ । ठगी गरेको अभियोगमा काठमाडौं तारकेश्वर नगरपालिका-८ का २३ वर्षीय अमित भुजेल पक्राउ परेका छन् । प्रहरीले उनलाई अष्ट्रेलिया पठाइदिन्छु भन्दै ठगी गरेको अभियोगमा बिहीबार पक्राउ गरेको हो ।
अष्ट्रेलियाका लागि प्रतिव्यक्ति ६ लाख रुपैयाँ लाग्ने बताएका उनले २ जनाबाट ९ लाख रुपैयाँ ठगी गरेको पीडितको जाहेरीमा उल्लेख छ ।
महानगरीय अपराध महाशाखाबाट खटिएको प्रहरीले उनलाई काठमाडौँ, माछापोखरीबाट पक्राउ गरेको हो । उनलाई थप अनुसन्धान एवम् कारवाहीको लागि महानगरीय प्रहरी परिसर टेकु पठाइएको छ ।
