• अर्थ सरोकार सम्बाददाता

काठमाडौं । मध्यभोटेकोशी जलविद्युत् कम्पनी लिमिटेडले आईपीओ निष्कासन गर्ने भएको छ । कम्पनीले १ अर्ब ५० करोड रुपैयाँ बराबरको आईपीओ निष्कासन गर्ने भएको हो । कम्पनीले १०० रुपैयाँ अंकित दरका कुल १ करोड ५० लाख कित्ता आईपीओ निष्कासन गर्नेछ । कम्पनीले आयोजना प्रभावित स्थानीय तथा सर्वसाधारणका लागि आईपीओ निष्कासन गर्ने भएको हो ।

आईपीओ निष्कासन गर्नको लागि कम्पनीले अनुमति पनि पाएको छ । नेपाल धितोपत्र बोर्डले उक्त जलविद्युत् कम्पनीलाई वैशाख ५ गते आईपीओ निष्कासनको लागि अनुमति दिएको हो । कम्पनीले आईपीओ निष्कासन तथा बिक्री प्रबन्धकमा ग्लोबल आईएमई क्यापिटल लिमिटेडलाई नियुक्त गरेको छ ।