• अर्थ सरोकार सम्बाददाता

काठमाडौं । नेपाल राष्ट्र बैंकले दैनिक सुन आयात गर्ने सीमा बढाएको छ । राष्ट्र बैंकको विदेशी विनिमय व्यवस्थापन विभागबाट जारी भएको एकीकृत परिपत्र २०७६ को सुन आयात तथा बिक्री वितरण सम्बन्धी कार्यविधि २०६८ लाई संसोधन गर्दै सुन आयात गर्ने सीमा बढाएको हो । जससंगै अब दैनिक २० केजीसम्म सुन आयात गर्न सकिने भएको छ । यसअघि दैनिक १० केजी मात्रै सुन आयात गर्न पाइने व्यवस्था थियो । पछिल्लो समय बजारमा १० केजी सुनले माग नधानेपछि व्यवसायीले आयात बढाउन आग्रह गर्दै आइरहेकोमा राष्ट्र बैंकले सो सिमा बढाएको हो ।