- अर्थ सरोकार सम्बाददाता
काठमाडौं । यूनाइटेड इन्स्योरेन्सको प्रमुख कार्यकारी अधिकृत (सीइओ) मा उपसना पौडेलको नाम प्रस्ताव गरिएको छ । कम्पनीको सञ्चालक समितिले निमित्त प्रमुख कार्यकारी अधिकृत पौडेललाई प्रमुख कार्यकारी अधिकृतमा नियुक्त गर्ने प्रस्ताव गरेको हो । समितिले अनुमतिको लागि बीमा समितिमा प्रस्ताव पठाएको छ ।
बीमा समितिले सो प्रस्तावलाई स्वीकृत गरेमा पौडेल बीमा क्षेत्रकै पहिलो महिला प्रमुख कार्यकारी अधिकृत हुने छिन् । यस कम्पनी लामो समयदेखि सीइओ बिहिन थियो । बीमा समितिले गत फागुन २९ गते नभएका बीमा कम्पनीकालाई १ महिना भित्र सीइओ नियुक्त गर्न पत्र काटेको थियो । सोही अनुसार कम्पनीले पौडेलको नाम प्रस्ताव गरेको हो ।
